Gəmi energetik qurğularının istismarı

“Gəmi energetik qurğularının istismarı” ixtisası üzrə subbakalavr pilləsində mütəxəssis hazırlığı Azərbaycan Respublikasının üzv olduğu Beynəlxalq Dəniz Təşkilatının (BDT-İMO) “Dənizçilərin hazırlanmasına, onlara diplom verilməsinə və növbə çəkməyə dair” 1978-ci il tarixli (DHDNÇ əlavələr edilmiş) Beynəlxalq Konvensiyanın (A-III/1 qaydasının) tələblərinə uyğun olaraq həyata keçirilir. Bu ixtisas üzrə subbakalavr pilləsində təhsil alan tələbələr gəmi dizellərinin, buxar qazanlarının, köməkçi mexanizmlərin, sistemlərin konstruktiv xüsusiyyətlərini, onların iş prinsiplərini, yanacaq və yağlayıcı materialların fiziki - kimyəvi xassələrini, nasos və boru sistemlərinin istismar qaydalarını və onlara edilən texniki xidməti, eləcə də gəmi energetik qurğularının istismarına aid olan digər sahələr üzrə bilikləri öyrənir.

Bu ixtisası uğurla bitirən məzunlar beynəlxalq səfərlər həyata keçirən gəmilərdə növbə mexaniki vəzifələrində çalışa bilirlər.

• Gəmi dizellərini, buxar qazanlarını və köməkçi mexanizmləri idarə etməyi;

• Nasos, boru sistemlərinə və aqreqatlara texniki xidmət göstərməyi;

• Xarici səfərlər edən gəmilərdə peşəkar növbə mexaniki işləməyi.

Təhsil proqramı Beynəlxalq Dəniz Təşkilatının (IMO) «Dənizçilərin hazırlanmasına, onlara diplom verilməsinə və növbə çəkməyə dair» 1978-ci il Beynəlxalq Konvensiyasının (STCW, A-III/1 və A-III/2 bölmələri) tələblərinə uyğun hazırlanıb.

Nəzərə alınan digər sənədlər:

• MARPOL 73/78: dənizin gəmilərdən çirkləndirilməsinin qarşısının alınması
• SOLAS-74: dənizdə insan həyatının təhlükəsizliyi
• «Dəniz nəqliyyatı gəmilərində xidmət Nizamnaməsi»
• IMO-nun 7.02 və 7.04 model kursları

Mütəxəssis hazırlığı STCW-nin A-III/1 qaydasına uyğundur: məzun beynəlxalq səfərlər edən gəmilərdə növbə mexaniki vəzifəsində çalışa bilir.