Doktoranturaya qəbul
Akademiyada fəlsəfə doktoru proqramı üzrə üç dənizçilik ixtisasında doktorantura var. Sənədlər portal.edu.az-da qəbul olunur, imtahanlar iyunda (xarici dil, DİM) və sentyabrda (fəlsəfə və ixtisas, Akademiya) keçirilir.
- ProqramFəlsəfə doktoru
- İxtisas3
- QəbulMüsabiqə, 3 imtahan
- Müraciətportal.edu.az
Qəbul trayektoriyası
Elektron müraciət
«Ali və orta ixtisas təhsili müəssisələrinə təhsilalan qeydiyyatı» xidmətini seçib təlimata uyğun müraciət edin və sənədləri yükləyin. 2026-cı ildə sənəd qəbulu 19 may – 9 iyun tarixlərində aparılıb.
portal.edu.azXarici dil imtahanı
Magistratura səviyyəsi həcmində. Dil sərbəst və ya ixtisasa uyğun seçilir, rus dili istisnadır. Keçid balını toplamayan növbəti imtahana buraxılmır.
Fəlsəfə imtahanı
Xarici dildən keçid balını toplayanlar buraxılır.
İxtisas imtahanı
Fəlsəfədən «məqbul» alanlar buraxılır. Plan yerləri imtahan nəticələrinə görə müsabiqə ilə tutulur.
İxtisaslar, yer sayı və haqq
| İxtisas | Tədris dili | Plan yerləri 2026/27 | Təhsil haqqı | Keçid balı |
|---|---|---|---|---|
| Gəmiçilik texnikası3319.01 | AZ | 2əyani 1 · qiyabi 1 | — | — |
| Gəmiçilik və su nəqliyyatının istismarı3319.02 | AZ | 2 | — | — |
| Gəmiqayırma və gəmi təmiri texnologiyası3319.03 | AZ | 2 | — | — |
Kimlər müraciət edə bilər
Fəlsəfə doktoru proqramı üzrə doktoranturaya ali təhsilin magistratura səviyyəsini bitirən (magistr dissertasiyasını müdafiə edən) Azərbaycan Respublikasının vətəndaşları müsabiqə ilə qəbul olunur. Doktorantura 2010-cu ildə yaradılıb, kadr hazırlığı Nazirlər Kabinetinin «Doktoranturaların yaradılması və doktoranturaya qəbul Qaydaları» ilə aparılır.
İxtisaslar və təhsil müddəti
- 3319.01 — Gəmiçilik texnikası;
- 3319.02 — Gəmiçilik və su nəqliyyatının istismarı;
- 3319.03 — Gəmiqayırma və gəmi təmiri texnologiyası.
Fəlsəfə doktoru proqramı üzrə qiyabi təhsil müddəti 4 il, elmlər doktoru proqramı üzrə 5 ildir; müstəsna hallarda uzadıla bilər. Plan yerləri və təhsil forması cədvəldədir.
Sənədlər
portal.edu.az-a yüklənir:
- tərcümeyi-hal;
- 2 ədəd fotoşəkil (3×4);
- iş yerindən xasiyyətnamə;
- iş stajı olanlar üçün əmək kitabçasından çıxarış;
- çap olunmuş elmi işlərin siyahısı və ya seçilmiş ixtisas üzrə referat;
- ali təhsil diplomunun təsdiqlənmiş surəti;
- xaricdə təhsil alanlar üçün təhsil sənədinin tanınması haqqında şəhadətnamə;
- şəxsiyyət vəsiqəsinin surəti.
Təhsil dövründə attestasiya
| İl | Əsas tələblər |
|---|---|
| 1-ci | Mövzunun kafedrada müzakirəsi və Elmi Şurada təsdiqi, fərdi iş planı, ədəbiyyat icmalı, elmi konfransda çıxış |
| 2-ci | Ali Attestasiya Komissiyasının siyahısındakı nəşrlərdə ən azı iki məqalə, konfransda çıxış, nəticələrin kafedrada müzakirəsi |
| 3-cü | Ən azı iki məqalə, konfransda çıxış, fərdi plan üzrə hesabat |
| 4-cü | Dissertasiyanın kafedrada yekun müzakirəsi, ən azı iki məqalə |
Hər il sonunda doktorant aparıcı kafedrada hesabat verir və Elmi Şurada attestasiyadan keçir.
Normativ sənədlər
- Elm haqqında Azərbaycan Respublikasının Qanunu
- Elmi dərəcələr verilməsi qaydası haqqında Əsasnamə
- Doktoranturaların yaradılması və doktoranturaya qəbul Qaydaları
- Ali Attestasiya Komissiyası
- Avtoreferatın tərtibi Qaydası
- Dissertasiyanın tərtibi Qaydası
- Fəlsəfə doktoru imtahanlarının keçirilməsi Qaydası