İşə qəbul qaydaları
Professor-müəllim heyətinə vakansiyalar mətbuatda elan olunur, namizəd rektorun adına ərizə verir; pedaqoji stajı olmayanlar üçün açıq sınaq dərsi keçirilir. Əmək müqaviləsi 3 aylıq sınaq müddəti ilə bağlanır.
- Sınaq müddəti3 ay
- Müqavilə1 tədris ili, illik qiymətləndirmə ilə
- İxtisasartırmaƏn azı 5 ildə bir dəfə
Professor-müəllim heyətinin və əməkdaşların işə qəbulu «Professor-müəllim heyətinin və əməkdaşların işə qəbulu» proseduru (ADDA-TL-019), Əmək Məcəlləsi və Akademiyanın daxili intizam qaydaları əsasında aparılır. İşə qəbulu bir qayda olaraq işə qəbul komissiyası həyata keçirir.
Professor-müəllim heyəti
- Kafedralardakı vakant yerlər barədə elanlar mətbuatda («Azərbaycan müəllimi», «Dənizçi» qəzetləri və s.) dərc olunur.
- Namizəd rektorun adına ərizə və sənədləri təqdim edir.
- Pedaqoji stajı olmayan namizəd üçün açıq sınaq dərsi təşkil edilir; pedaqoji stajı olanlar üçün bu məcburi deyil.
- Kafedranın müsbət rəyindən sonra namizədlə 3 ay sınaq müddətinə əmək müqaviləsi bağlanır.
- Sınaq müddəti qənaətbəxş olarsa müqavilə bir tədris ili üçün bağlanır; hər il fəaliyyət qiymətləndirilir və növbəti il üçün müqavilə nəzərdən keçirilir.
Professor-müəllim heyətinə 0,25 və 0,75 ştat vahidi ilə işə qəbul aparılmır; müstəsna hallarda rəhbərliyin göstərişi ilə 0,25 ştata yol verilə bilər.
Tələb olunan sənədlər
- şəxsiyyət vəsiqəsi;
- sosial sığorta kartının surəti;
- diplomların surəti (bakalavr, magistr, elmi dərəcə və elmi ad);
- sertifikatların surəti;
- tərcümeyi-hal və kadr uçotu üzrə şəxsi vərəqə;
- əmək kitabçası;
- hərbi biletin surəti;
- 4 ədəd 3x4 və 4 ədəd 4x6 ölçüdə fotoşəkil.
Digər əməkdaşlar
- Ərizə elektron sənəd dövriyyəsində qeydə alınır və rəhbərliyə təqdim olunur.
- Rəhbərlik ərizəni işə qəbul komissiyasına yönləndirir; komissiya müsabiqə günü təyin edir, sənədlərə baxır, protokol tərtib edir və rəhbərliyə təklif verir.
- Namizədlə 3 ay sınaq müddətinə əmək müqaviləsi bağlanır, əmr verilir. Sınaq dövrü qənaətbəxş olarsa müqavilə bir il üçün bağlanır və illik qiymətləndirmə ilə uzadılır.
İşə qəbul zamanı Əmək Məcəlləsinin 48-ci maddəsində göstərilən sənədlər tələb olunur; Məcəllədə nəzərdə tutulmayan əlavə sənəd tələb etmək qadağandır. Əmək müqaviləsinin bağlanması yaşayış yeri üzrə qeydiyyatdan asılı edilə bilməz.
İxtisasartırma
- Ştatda olan professor-müəllim heyəti ixtisasını qısamüddətli (tematik) kurslarda, ən azı 5 ildə bir dəfə dövri kurslarda, qabaqcıl müəssisələrdə stajkeçmə və xarici ezamiyyətlər vasitəsilə artırır.
- Təlim ehtiyacları struktur bölmələrdə, o cümlədən STCW Konvensiyasının tələblərinə görə təhlil edilir. Təlimlər ölkədə və xarici tərəfdaşlarla keçirilir, sonda sertifikat verilir və bilik bölmədə daxili təqdimatla paylaşılır.