Əcnəbi tələbələr üçün bələdçi
Qəbuldan sonra: Bakıya gəliş, miqrasiya qeydiyyatı, yataqxana, dil hazırlığı, dəniz təcrübəsi və gündəlik dəstək. 2023/2024-cü tədris ilində Akademiyada 43 əcnəbi tələbə təhsil alırdı.
- Təhsil haqqı (2026/2027)5100 AZN/il
- Yataqxana, forma, dərs vəsaitiÖdənişsiz
- Müvəqqəti yaşama icazəsi1 il
- Tədris diliAzərbaycan, ingilis, rus
Gəlişdən dərslərə qədər
Qəbul və viza
Müsahibədən sonra qəbulunuz təsdiqlənir. Azərbaycana giriş qaydası vətəndaşlığınızdan asılıdır; elektron viza evisa.gov.az portalında verilir.
Qəbul qaydalarıSənədlərin əsli
Sənədlərin əslini təqdim edirsiniz; hamısı tərcümə edilməli və notarial qaydada təsdiqlənməlidir.
Sənədlərin siyahısıTibbi arayış
Dövlət Miqrasiya Xidməti üçün sağlamlıq arayışı Bakıdakı International Medical Center-dən alınır.
Miqrasiya qeydiyyatı
Şöbə müvəqqəti yaşama icazəsi üçün sənədlərinizi toplayıb Dövlət Miqrasiya Xidmətinə təqdim edir. Əyani təhsil alan əcnəbi tələbəyə bir illik müvəqqəti yaşama hüququ verilir.
migration.gov.azYataqxanaya yerləşmə
Əcnəbi tələbələr yataqxanada ümumi əsaslarla yerləşdirilir; 2026/2027-ci ildə yataqxana onlar üçün ödənişsizdir.
YataqxanaDərslər başlayır
Tədris dilini kifayət qədər bilmirsinizsə, əvvəlcə Azərbaycan və ya ingilis dili üzrə ödənişli hazırlıq kursu keçə bilərsiniz.
Kim kömək edir
Əcnəbi tələbələrlə Elmi-tədqiqat və beynəlxalq əlaqələr şöbəsi işləyir:
- müvəqqəti yaşama icazəsi üçün sənədləri toplayır və Dövlət Miqrasiya Xidmətinə təqdim edir;
- Elm və Təhsil Nazirliyi və Dövlət Miqrasiya Xidməti ilə əlaqə saxlayır;
- əcnəbi tələbələrin məktub və sorğularını cavablandırır;
- Akademiyadakı tədbir, konfrans və seminarlar barədə məlumat verir.
Qəbul və təhsil haqqı barədə: akademiya@asco.az, (012) 493 36 44.
Tədris və dil
- Bakalavriat (4 il): Dəniz naviqasiyası mühəndisliyi — Azərbaycan, ingilis, rus; Gəmi energetik qurğularının istismarı mühəndisliyi — Azərbaycan, ingilis; digər ixtisaslar — Azərbaycan dilində.
- Magistratura (2 il): Azərbaycan dilində.
- Hazırlıq kursları: Azərbaycan və ingilis dili üzrə, ödənişli, 6 və ya 9 ay; qəbul 1–25 sentyabr və 1–25 yanvar (ətraflı).
- İngilisdilli qruplar barədə: İngilis dilində tədris.
Dəniz təcrübəsi
Əcnəbi tələbələr də tədris planına uyğun dəniz təcrübəsi keçir. Məsələn, 2023-cü ildə ikili diplom proqramının II kurs tələbələri «Sabit Orucov» gəmisində təcrübəyə başlamazdan əvvəl gəmidə təhlükəsizlik üzrə giriş təlimatı keçib (xəbər). Ətraflı: Təcrübə (praktika).
Gündəlik həyat
- Yataqxana — 2026/2027-ci ildə əcnəbi tələbələr üçün ödənişsiz: Yataqxana.
- Geyim forması və tədris materialları — ödənişsiz.
- Tələbə həyatı — tələbə təşkilatları, idman və intellektual yarışlar hamı üçün açıqdır; məsələn, «Hüquq zəkası» yarışında əcnəbi tələbələr də iştirak edib (xəbər). 2025-ci ilin dekabrında Həmrəylik Günü və Yeni il münasibətilə əcnəbi tələbələrlə görüş keçirilib (xəbər). Ətraflı: Tələbə həyatı.