Keyfiyyəti idarəetmə sistemi
Akademiyanın keyfiyyəti idarəetmə sistemi ISO 9001:2015 standartı əsasında qurulub: proseslər sənədləşdirilir, daxili auditlər aparılır, nəticələrə görə düzəliş tədbirləri görülür.
- StandartISO 9001:2015
- Daxili audit5 daimi üzv və işçi qrup
- SənədlərADDA-ƏS əsasnamələri, ADDA-KP prosedurları
Keyfiyyəti idarəetmə sistemi (KİS) Akademiyanın tədris, elmi və inzibati proseslərini ISO 9001:2015 beynəlxalq standartının tələblərinə uyğun idarə edir. Sistemin sənədləri bölmələrin və proseslərin əsasnamələri (ADDA-ƏS seriyası) və prosedurlardır (məsələn, ADDA-KP-002 «Sənədləşdirilmiş məlumatların idarə olunması»); hər sənəddə prosesin ölçüləri və meyarları göstərilir.
Daxili Audit Komissiyası
Komissiyaya Rəhbərliyin Keyfiyyət üzrə Nümayəndəsi rəhbərlik edir. Komissiya müxtəlif sahələrin mütəxəssislərindən ibarət 5 daimi üzvdən təşkil olunur; tərkibində komissiyanın icra orqanı olan işçi qrup fəaliyyət göstərir. Komissiyanın əsasnaməsi Akademiyanın rektorunun əmri ilə təsis və ləğv edilir.
Komissiyanın vəzifələri
- KİS-in işləkliyini və fasiləsiz təkmilləşdirilməsini təmin etmək, sistemi müşahidə etmək, təhlil etmək və qiymətləndirmək;
- keyfiyyət siyasətinin hazırlanması və yenilənməsi üzrə təkliflər vermək, siyasəti bütün bölmələrə və əməkdaşlara çatdırmaq;
- KİS-in daxili normativ sənədlərinin siyahısını tərtib etmək, onların hazırlanmasını, təsdiqini, yenidən baxılmasını təşkil etmək;
- daxili auditlər keçirmək və aşkar olunan uyğunsuzluqlar üzrə düzəliş tədbirlərinə kömək etmək;
- rəhbərlik tərəfindən sistemin təhlili üçün materiallar hazırlamaq;
- sertifikatlaşdırma və nəzarət auditlərinə hazırlığı təşkil etmək, onların nəticələrinə görə düzəliş tədbirlərində iştirak etmək;
- ISO 9000 standartları üzrə seminarlar keçirmək, əməkdaşlara yeni və dəyişdirilmiş sənədləri təqdim etmək.
Komissiyanın hüquqları
- bölmələrdən iş üçün zəruri sənəd və məlumatları tələb etmək;
- bölmələrin plan üzrə və zəruri hallarda plandankənar auditini aparmaq, nəticələr üzrə rəy vermək və icrasına nəzarət etmək;
- rektorun əmri ilə digər bölmələrin əməkdaşlarını cəlb etməklə müvəqqəti və ya daimi işçi qruplar yaratmaq;
- normativ və metodiki sənədlərin layihələrini hazırlamaq və rektorun təsdiqinə təqdim etmək;
- keyfiyyətin artırılması üzrə rəhbərliyə təkliflər vermək, keyfiyyət siyasətini və sənədləri izah etmək üçün bölmələrdə iclaslar keçirmək.
Sertifikatlar
Akademiyanın keyfiyyət idarəetmə sisteminin sertifikatları, akkreditasiya sənədləri və keyfiyyət sahəsində siyasəti Akkreditasiya və sertifikatlar səhifəsindədir.