Müraciətlərə baxılma qaydası
Akademiyaya sual, təklif və şikayətlə «Qaynar xətt» telefonu, e-poçt və ya saytdakı onlayn forma ilə müraciət etmək olar. Hər müraciət qeydə alınır, araşdırılır və cavablandırılır.
- Qaynar xətt(012) 493 36 44
- E-poçtakademiya@asco.az
- OnlaynVətəndaşların müraciəti
Akademiyanın «Qaynar xətt» xidmətinin iş qaydası «Qaynar xətt xidməti haqqında qaydalar» (ADDA-TL-016) ilə müəyyən edilib. Müraciətin növləri, onda göstərilməli məlumatlar, cavab müddətləri və hüquqi əsas Vətəndaşların müraciəti səhifəsindədir.
«Qaynar xətt»
- Telefonlar: (012) 493 36 44, (012) 493 09 19. Zənglər iş günü ərzində fasiləsiz qəbul edilir.
- Zəngi Akademiyanın qəbul otağının məsul əməkdaşı qəbul edir: danışıq qısa yazılır, zənglərin qeydiyyat kitabında qeyd olunur və dərhal rəhbərliyə məruzə edilir.
- Zəng edən Akademiya haqqında ümumi məlumat, o cümlədən rəhbərliyin qəbul günləri və saatları barədə məlumat ala, sual verə, təklif və şikayət bildirə bilər.
E-poçtla müraciət
Sual, təklif və ya şikayətinizi akademiya@asco.az ünvanına göndərə bilərsiniz. Məktubda adınızı, soyadınızı, ünvanınızı və telefon nömrənizi göstərin: müraciət araşdırıldıqdan sonra cavab e-poçtunuza göndərilir.
Onlayn müraciət
Saytdakı onlayn forma ilə müraciəti birbaşa aidiyyəti istiqamətə ünvanlaya bilərsiniz: rektor, qəbul, tədris prosesi, dənizçi sertifikatları, elmi işlər və ya beynəlxalq əlaqələr. Bildiriş həmin bölməyə göndərilir, cavab e-poçtunuza gəlir.
Xidmətin keyfiyyəti
Müraciətlər aidiyyəti üzrə yönləndirilir və operativ araşdırılır, hər müraciətin nəticəsi sənədləşdirilir. Qaydaya görə müraciətlərin ən azı 95 faizi vaxtında cavablandırılmalı, problemlərin 90 faizdən çoxu həll edilməlidir.