Missiya
Azərbaycanın dənizçilik elminin inkişaf strategiyasına uyğun olaraq, akademiyada yüksək ixtisaslı elmi-pedaqoji kadrların hazırlanması prosesini hüquqi-təşkilati cəhətdən təmin etmək, idarəetmədə şəffaflığı və elmi yaradıcılıq üçün əlverişli mühiti formalaşdırmaqdır.
Haqqında
Elmi katib – Azərbaycan Dövlət Dəniz Akademiyasının (ADDA) elmi-tədqiqat, elmi-təşkilati və idarəetmə fəaliyyətini tənzimləyən, struktur bölmələr və rəhbərlik arasında koordinasiyanı təmin edən mühüm akademik orqandır. Elmi katib birbaşa Akademiyanın rektoruna və Elmi Şuranın sədrinə tabedir, öz fəaliyyətində Azərbaycan Respublikasının Elm və Təhsil Nazirliyinin, həmçinin Ali Attestasiya Komissiyasının (AAK) normativ-hüquqi aktlarını rəhbər tutur.
Fəaliyyət sahəsi
Elmi katib öz fəaliyyəti dövründə aşağıdakı əsas funksiyaları yerinə yetirir:
• Planlaşdırma və Hesabatlılıq: Akademiyanın elmi-tədqiqat işlərinin perspektiv və illik planlarını hazırlayır, kafedralardan gələn elmi hesabatları ümumiləşdirir.
• Elmi Şuranın İdarə Edilməsi: Şuranın iclas gündəliyini müəyyən edir, qərarların layihələrini hazırlayır və protokolların arxivləşdirilməsini təmin edir.
• Nəzarət və Koordinasiya: Elmi Şuranın qəbul etdiyi qərarların kafedralar və elmi-tədqiqat laboratoriyaları tərəfindən vaxtında icra olunmasına nəzarət edir.
• Təşkilatçılıq: Akademiyada keçirilən respublika və beynəlxalq səviyyəli elmi-praktiki konfransların, seminar və simpoziumların təşkilati işlərini əlaqələndirir.
Xidmətlər
• Atteastasiya və Müsabiqələrin Keçirilməsi: Professor-müəllim heyətinin və elmi işçilərin vakant yerlərinin tutulması üçün müsabiqə sənədlərinin qəbulu və rəsmiləşdirilməsi.
• Elmi Ad və Dərəcələrin Rəsmiləşdirilməsi: Dosent və professor elmi adlarının, habelə fəlsəfə və elmlər doktoru elmi dərəcələrinin alınması üçün sənədlərin Ali Attestasiya Komissiyasının (AAK) tələblərinə uyğun hazırlanması və göndərilməsi.
• Akademik Sənədləşmə və Çıxarışların Verilməsi: Elmi Şuranın qərarlarından çıxarışların, elmi fəaliyyəti təsdiq edən arayışların və digər kargüzarlıq sənədlərinin hazırlanaraq əməkdaşlara təqdim edilməsi.
• Məsləhət Xidməti: Gənc tədqiqatçılara, doktorant və dissertantlara elmi işlərin tərtibatı və müdafiə sənədlərinin toplanması qaydaları barədə metodiki dəstəyin göstərilməsi.
Strateji hədəflər üzrə öhdəliklər
• Elmi reytinqin yüksəldilməsi və beynəlxalq inteqrasiya: ADDA-nın professor-müəllim heyətinin və gənc tədqiqatçılarının dənizçilik sahəsindəki elmi məqalələrinin nüfuzlu beynəlxalq bazalarda (Scopus, Web of Science və s.) indekslənən jurnallarda dərc olunmasını təşviq etmək və bu istiqamətdə statistik təhlillər aparmaq.
• Elmi Şuranın fəaliyyətinin rəqəmsallaşdırılması: Elmi Şuranın kargüzarlıq işlərini, sənəd dövriyyəsini və qərarların icrasına nəzarət mexanizmini tam elektron formata keçirməklə idarəetmədə operativliyi və şəffaflığı təmin etmək.
• Akademik potensialın gücləndirilməsi: Akademiyanın gənc mütəxəssislərinin elmi-tədqiqat işlərinə cəlb olunması, doktorantura və dissertantura pillələrində dəniz nəqliyyatı, gəmiqayırma və naviqasiya üzrə yerli kadr hazırlığının keyfiyyət etibarilə artırılması üçün strateji planları icra etmək.
• Elm və istehsalat inteqrasiyasının dəstəklənməsi: Xəzər dənizçiliyi və beynəlxalq su nəqliyyatı dəhlizlərinin inkişafı istiqamətində hazırlanan elmi-tədqiqat layihələrinin istehsalata (gəmiçilik şirkətləri, limanlar və tərsanələr) tətbiqi prosesinin sənədləşmə və koordinasiya işlərini tənzimləmək.
• Beynəlxalq elmi əməkdaşlıq xəritəsinin genişləndirilməsi: Xarici ölkələrin dənizçilik akademiyaları və elmi-tədqiqat institutları ilə müştərək elmi konfransların, təcrübə mübadilələrinin və elmi layihələrin təşkilati tərəfdaşlığını həyata keçirmək.