Gəmi energetik qurğularının istismarı mühəndisliyi

Bakalavriat səviyyəsinin «Gəmi energetik qurğularının istismarı mühəndisliyi» ixtisası üzrə Təhsil Proqramı «Təhsil haqqında» Azərbaycan Respublikasının Qanununa, Nazirlər Kabinetinin müvafiq qərarlarına, «Ali təhsilin bakalavriat səviyyəsi üzrə ixtisasların (proqramların) Təsnifatı»na və «Dəniz nəqliyyatı gəmilərində xidmət Nizamnaməsi»nə (DNGXN) uyğun hazırlanmışdır.

Proqram Azərbaycan Respublikasının üzvü olduğu Beynəlxalq Dəniz Təşkilatının (IMO) sənədlərinə əsaslanır: «Dənizçilərin hazırlanmasına, onlara diplom verilməsinə və növbə çəkməyə dair» 1978-ci il tarixli Beynəlxalq Konvensiya (STCW-78, əlavələrlə — A-III/1 və A-III/2 bölmələri), SOLAS-74, MARPOL 73/78, eləcə də IMO-nun 7.02 və 7.04 nömrəli Model Kursları.

Proqramın məqsədləri

• İxtisas üzrə məzunun kompetensiyalarını, ixtisasın çərçivəsini, fənlər üzrə tədris və öyrənmə metodlarını, qiymətləndirmə üsullarını və təlim nəticələrini müəyyənləşdirmək
• Kadr hazırlığı üçün infrastruktura və kadr potensialına olan tələbləri müəyyən etmək
• Tələbənin təcrübə keçmə, işə düzəlmə və təhsilini artırma imkanlarını müəyyənləşdirmək
• Tələbələri və işəgötürənləri məzunların əldə etdiyi bilik və bacarıqlar barədə məlumatlandırmaq

Mənbə: Təhsil Proqramı, 2020

Ümumi kompetensiyalar

• İxtisası üzrə Azərbaycan dilində şifahi və yazılı kommunikasiya bacarıqları
• İxtisası üzrə ən azı bir xarici dildə (ingilis dili daha məqsədəuyğundur) kommunikasiya bacarıqları
• Azərbaycan dövlətçiliyinin tarixi, hüquqi, siyasi, mədəni və ideoloji əsasları, müasir dünyadakı yeri və rolu barədə sistemli biliklər
• Milli dövlətimizin qarşılaşdığı təhdid və riskləri müəyyən etmə bacarığı
• İş yerində informasiya texnologiyalarından istifadə qabiliyyəti
• Komandada işləmək və problemin həllinə ortaq yanaşma bacarığı
• Yeni şəraitə uyğunlaşmaq, təşəbbüs irəli sürmək qabiliyyəti və uğur qazanmaq iradəsi
• Peşəkar məqsədlər üçün müvafiq məlumatı təhlil etmək, ümumiləşdirmək və tətbiq etmək bacarığı
• Peşəkar fəaliyyətini planlaşdırmaq, vaxtı idarə etmək və tapşırıqları vaxtında tamamlamaq qabiliyyəti
• Fəaliyyətində sosial və ekoloji məsuliyyət, vətəndaş şüuru və etik yanaşma
• Bilik və bacarıqlarını inkişaf etdirmək məqsədilə özünüqiymətləndirmə və özünütənqid bacarığı
• Peşə fəaliyyətində təbiət elmlərinin əsas qanunlarından, riyazi metodlardan və modelləşdirmədən istifadə bacarığı

Peşə kompetensiyaları

• Maşınqazan şöbəsində təhlükəsiz növbəçəkmə bacarığı
• Baş qurğuların, köməkçi mexanizmlərin və onlarla əlaqəli idarəetmə sistemlərinin istismarı
• Yanacaq, yağlama, ballast və digər nasos sistemlərinin istismarı
• Elektrik və elektron avadanlığının istismarı, təmiri və texniki qulluğu
• Gəmi mexanizmlərinin və avadanlıqlarının təmirinə və texniki qulluğuna dair bacarıqlar
• Dənizin çirklənməsinin qarşısının alınmasına dair tələblərin yerinə yetirilməsi (MARPOL 73/78)
• Gəminin üzmə qabiliyyətinin saxlanması, oturma və davamlılığa nəzarət
• Yanğının aradan qaldırılması, xilasedici vasitələrdən və ilk tibbi yardım vasitələrindən istifadə
• Mühərrik qurğusunun və köməkçi mexanizmlərin işinin idarə edilməsi, qiymətləndirilməsi və təhlükəsizliyinin saxlanması
• Texniki xidmət və təmirin təhlükəsiz və effektli idarə edilməsi, nasazlıqların aşkarlanması və aradan qaldırılması
• Qəza hallarında əməliyyatlar planının hazırlanması və gəminin yaşamaq uğrunda mübarizəsi
• Komandada rəhbərlik və təşkilatçılıq vərdişlərinin tətbiqi

Mənbə: Təhsil Proqramı, 2020

Proqramı bitirən məzun:

• Maşın şöbəsində təhlükəsiz növbəçəkməni müstəqil həyata keçirir, baş qurğuların və köməkçi mexanizmlərin istismarını təmin edir
• SOLAS-74 və MARPOL 73/78 tələblərinə uyğun olaraq gəminin texniki təhlükəsizliyini və ətraf mühitin qorunmasını təmin etmək bacarığı qazanır
• Mühərrik qurğusunun, elektrik və elektron avadanlığının nasazlıqlarını aşkar edir və aradan qaldırır
• Qəza və fövqəladə hallarda beynəlxalq və milli qaydalara uyğun hərəkət edir, gəminin yaşamaq uğrunda mübarizəsini təşkil edir
• Texniki xidmət və təmir işlərini təhlükəsiz və effektiv şəkildə idarə edir

Bu nəticələr STCW-78 Konvensiyasının A-III/1 və A-III/2 bölmələrinin tələbləri əsasında formalaşdırılıb.

Mənbə: Təhsil Proqramı, 2020 (peşə kompetensiyalarının xülasəsi)