Gəmi sürücülüyü fakültəsi

Gəmi sürücülüyü fakültəsi Azərbaycan Dövlət Dəniz Akademiyasının aparıcı struktur bölmələrindən biri olmaqla, dəniz nəqliyyatı və gəmiçilik sahəsi üçün yüksək ixtisaslı mühəndis və mütəxəssislərin hazırlanmasını həyata keçirir. Fakültədə tədris prosesi Azərbaycan respublikasının mövcud normativ təhsil qanunvericiliyi və müasir beynəlxalq standartlara, xüsusilə Beynəlxalq Dəniz Təşkilatı tərəfindən qəbul edilmiş “Dənizçilərin hazırlanmasına, onlara diplom verilməsinə və növbə çəkməyə dair” STCW Konvensiyası tələblərinə, eləcə də 7.01 və 7.03 Model Kurslarının müddəalarına uyğun şəkildə təşkil olunmuşdur. Fakültədə həyata keçirilən tədris proqramları dəniz nəqliyyatı sektorunun müasir inkişaf tendensiyaları, beynəlxalq gəmiçilik sənayesinin tələbləri və qabaqcıl dəniz təhsili təcrübəsi nəzərə alınmaqla formalaşdırılmışdır. Bu çərçivədə bütün ixtisaslar üzrə baza təhsil proqramları və tədris planları hazırlanmış, müvafiq qaydada təsdiq edilmiş və tətbiq olunur. Fakültənin əsas fəaliyyət istiqaməti dəniz nəqliyyatı sahəsində peşəkar kadr hazırlığını təmin etmək, müasir naviqasiya və gəmiçilik texnologiyalarını tədris prosesinə inteqrasiya etmək, həmçinin tələbələrin nəzəri biliklərinin praktiki bacarıqlarla vəhdətdə formalaşdırılmasını təmin etməkdir.

Tələbə və əməkdaşlara göstərilən xidmətlər:

· Akademik məsləhətçi (tyutor) xidməti vasitəsilə tələbələrin fərdi tədris planlarının (sillabusların) tərtibi və fənn seçiminə yönləndirici dəstək.

· EMPRO platforması üzərindən elektron qeydiyyat, imtahan nəticələrinin izlənilməsi, akademik transkript və arayışların rəqəmsal formada formalaşdırılması.

· Tələbələrin "Azərbaycan Xəzər Dəniz Gəmiçiliyi" QSC (ASCO) daxilində və beynəlxalq sularda üzmə təcrübəsinə cəlb edilməsi.

· Rəqəmsal idarəetməyə keçid: Fakültə üzrə tədris prosesi "Rəqəmsal Akademiya" platformasına tam inteqrasiya edilmiş, sənəd dövriyyəsində 100% elektronlaşma (ESD) təmin olunmuşdur.

· Üzmə təcrübəsi: Yüzlərlə tələbə ASCO gəmilərində tamhüquqlu 52 həftəlik üzmə təcrübəsinə cəlb olunmuş və əldə etdikləri səriştələr sistemində təsdiqlənmişdir.

· Elmi-tədqiqat və şəffaflıq: Fakültə üzrə təqdim olunan bütün buraxılış işləri və dissertasiyaların 100%-i "StrikePlagiarism" sistemi vasitəsilə elmi plagiat yoxlamasından keçirilmişdir.

· Beynəlxalq əlaqələr: Beynəlxalq proqramlar çərçivəsində tələbə və müəllim mobilliyi artmışdır. Ətraflı məlumat üçün ADDA Beynəlxalq Əlaqələr səhifəsinə daxil ola bilərsiniz.